Ekoskopí

Ekoskopí

Demo echo Nancy (100_1184)

Ekoskopí  ta e tèknika ku ta hasi uso di zonido ultrasóniko pa optené imagen di posishon i grandura di órganonan interno, téhido òf di un foetus. Esakinan ta bira visibel riba un pantaya.   Ekografia ta e método  pa  kual ekoskopí ta keda apliká pa saka un portrèt di e imagen ku bo ta mira riba e pantaya.

Frekuensha di e zonido ta asina altu, ku no por tende esaki.  E zonido últrasóniko aki ta keda transmití  dor di e “transducer”,  ku ta parti di e  aparato  di eko, ku kual e ekoskopista ta hasi moveshon kuné riba e barika pa haña e  imagen  deseá.

Ekoskopí 3-D/4-D

Ku  ekoskopí 3- dimenshonal  (3-D) e  “transducer” ta skèn un kantidat di imagen hopi rápido tras di otro i ta kompilá esakinan. Asina’ki  ta logra un imagen tres- dimenshonal i realístiko di e yuchi. Tambe por mira e moveshonnnan ku e bebi ta hasi. Pa e motibu aki ta papia tambe di ekoskopí 3-D/4-D.