BabyView

Demo echo klant

“BabyView” ta un ofisina privá pa ekografia obstétriko 2D-3D/4D.  E práktika ta ser manehá, for di 2005, pa Ingrid Abendanon-Mac-Donald, un ekoskopista diplomá i hopi ekperenshá.

“BabyView” ta orientá spesífikamente riba  ekografia durante embaraso.  Durante e seshon di eko bo ta haña mira imágennan di e bebi riba un pantaya. Nos por pone e imágennan aki riba  CD i graba e seshon di eko kompletu riba DVD.

“BabyView” ta di opinion, ku ekografia ta kontribuí na despèrtá e aspekto emoshonal i sentimental, ku ta fortifiká e relashon speshal i  íntimo  entre mayor i yu durante embaraso. Tambe e informashon adishonal ku Ingrid ta duna riba aspéktonan di desaroyo di e yuchi, ta agregá mas balor na e seshon di eko. “BabyView” no ta dirigí riba aspektonan médiko di e embaraso;  pero hústamente pa motibu di konosementu i eksperensha ámplio di Ingrid, e por mira si tur kos  ta na òrdu.  Den kaso ku konstatá algu ku mester di atenshon médiko, Ingrid, den konsulta ku e mayornan, ta tuma kontakto ku e  médiko konserní.

Desayoronan riba tereno di ekografia ta rápido i ta alkansá nivilnan asombroso. Esaki ta eksigí dedikashon i estudio kontinuo di e ekoskopista. Efektividat di e seshon di eko ta dependé no solamante di kalidat di e ekipo, pero mas tantu di e ekpertisio di e ekoskopista. Banda di ekpertisio profeshonal, tambe ta eksigí étika profeshonal.

“BabyView” ta disfrutando un grado altu di rekonosementu, tantu di parti di profeshonalnan médiko i di su grupo di interés.

Serka “BabyView” nos ta traha ku e mihó aparato riba tereno di ekografia di 3-D.  Serka nos bo por sintibo kompletamente na bo komodidat i bo ta segurá di un tratamento profeshonal i di bo privasidat.

Foto Ingrid-IMG_00000017(3)Ingrid Abendanon-Mac-Donald.

Ingrid ta “radiodiagnostisch laborant” i ekoskopista di profeshon.  Tambe  e tin e kualifikason di “Bachelor” pa “Basic Medical Science”. Ingrid ta ehersé e profeshon di  “radiodiagnostisch laborant” pa mas ku 30 aña i e profeshon di ekoskopista pa mas ku 15 aña na diferente instituto médiko. For di aña 2005, e tin su mes práktika “BabyView” pa ekografia 2D-3D/4D.  Ingrid tin hopi konosementu i ekperensha den e tèchnika di ekografia 2D-3D/4D. Komo miembro di e asosashon Ulandes pa ekografista (“Nederlandse Vereniging voor Echografisten”) e ta sigui kontinuamente e desaroyonan riba su tereno profeshonal. Kalidat i satisfakshon di kliente ta primordial pa Ingrid.